சிவபுஜங்கம்

(சிவன் பாம்புகளைத் தமக்கு மிகவும் உகந்த அணிகலன்களாகக் கொண்டிருப்பதால் இந்தச் ச்லோகங்கள் புஜங்கப்ராயாத விருத்தத்தில் அமைக்கப்பட்டுள்ளது.)

 க³லத்³தா³ன க³ண்ட³ம் மிலத்³ப்⁴ருங்க³ ஷண்டம்

       சலச்சாரு சுண்ட³ம் ஜ³க³த் த்ராண சௌண்ட³ம் |

கனத்³த³ந்தகாண்ட³ம் விபத்³ப⁴ங்கசண்ட³ம்

       சிவப்ரேம்பிண்ட³ம் ப⁴ஜேவக்ரதுண்ட³ம் ||                                1

       கருவண்டுகளின் குழாம் மொய்த்திடும் மதஜலம் வழியும் நெற்றியை யுடையவரும், எழிலுடன் அசையும் தும்பிக்கையை உடையவரும், உலகையெலாம்

காப்பாற்றும் ஆற்றல் கொண்டவரும், பிரகாசமான தந்தங்களையுடையவரும், இன்னல்களை அறவே துடைப்பவரும், சிவபெருமானின் அன்பே உருவெடுத்ததென

விளங்குபவருமான ஆனை முகத்தானை வணங்குகிறேன்.

 அனாத்³யந்தமாத்³யம் பரம் தத்த்வமர்த்²ம்

       சிதா³காரமேகம் துரீயம் த்வமேயம் |

ஹரிப்³ரஹ்ம ம்ருக்³யம் பரப்³ரஹ்மரூபம்

       மனோவாக³தீதம் மஹ: சைவமீடே³ ||                                    2

    ஆதியுமந்தமும் இல்லாதவரும், எல்லாவற்றிற்கும் முதல்வராகவும், பரம தத்துவத்தின் உண்மைப் பொருளாக அறிவொளியாய், ஒன்றாய், விழிப்பு, கனவு, துயில் முதலிய நிலைகளுக்கப்பால் சாக்ஷியாக இருப்பவரும், அளவிலா சக்தி படைத்தவரும், ஹரி, பிரஹ்மா முதலியவர்களாலும் காண இயலாதவரும், பரப்ரஹ்மமாய் விளங்குபவரும், மனதுக்கும், சொல்லுக்கும் அப்பாற்பட்டவருமான சிவபெரும் ஜோதியை போற்றுவேன்.

 ஸ்வசக்த்யாத³ சக்த்யந்த ஸிம்ஹாஸனஸ்த²ம்

       மனோஹாரி ஸர்வாங்க ரத்னோருபூ⁴ஷம் |

ஜ³டாஹிந்து³ க³ங்கா³ஸ்தி² சம்யாகமௌலிம்

       பராசக்தி மித்ரம் நும்: பஞ்சவக்த்ரம் ||                                   3

     ஆதிசக்தியாம் ஸ்வசக்தியாம் ஸிம்ஹாஸனத்தில் வீற்றிருப்பவரும், காண்போர் மனத்தைக் கொள்ளை கொள்ளும் எழிலுடன் கூடிய அங்கங்களில் ரத்னமயமான அணிகலன்களை அணிந்து திகழ்பவரும், சடை, அரவு, நிலவு, கங்கை, என்பு முதலியவைகளைத் தாங்கி நிற்கும் முடியையுடையவரும், பராசக்தியின் பங்காளனுமான ஐந்து முகத்தானை வணங்குகிறோம்.

 சிவேசானதத்பூருஷா கோ⁴ரவாமா-

       தி³பி⁴: பஞ்சபி⁴ர் ஹ்ருன்முகை²: ஷட்³பி⁴ரங்கை³: |

அநௌபம்ய ஷத்ரிம்சதம் தத்வவித்³யா-

       மதீதம் பரம்த்வாம் கத²ம் வேத்தி கோவா ||                             4

     சிவ ஸ்வரூபத்தை ஹ்ருதயமாயும், ஈசான தத்புருஷ அகோர வாம தேவாதி (ஸத்யோஜாதாதி) ஐந்து ரூபங்களை அங்கங்களாயும் கொண்ட இணையற்றவரே, முப்பத்தாறு தத்துவங்களுக்கும் அப்பாற்பட்டவரே, தங்களை எவர் எங்ஙனம்தான் அறியமுடியும்.

 ப்ரவால ப்ரவாஹ ப்ரபா⁴சோணமர்த⁴ம்

       மருத்வந் மணி ஸ்ரீ மஹ: ச்யாமமர்த⁴ம் |

குணஸ்யூதமேதத்³வபு: சைவமந்த:

       ஸ்மராமி ஸ்மராபத்தி ஸம்பத்திஹேதும் ||                              5

     பவழம் போல் சிவந்ததான ஒரு பாதியும், இந்திர நீலமணி போன்ற கருத்ததானவோர் பாதியுடனும் கூடியதும், குணங்களுடன் விளங்குவதுமான தங்கள் ஸ்வரூபத்தை அர்த்த கர்மாதிகளை அடையும் பொருட்டு தியானிக்கிறேன்.

 ஸ்வஸேவாஸமாயாத தேவாஸுரேந்த்ரா-

       நமந்மௌலி மந்தா³ரிமாலாபி⁴ஷிக்தம் |

நமஸ்யாமி சம்போ⁴ பதா³ம்போ⁴ருஹம் தே

       ப⁴வாம்போ⁴தி போதம் ப⁴வானீவிபா⁴வ்யம் ||                             6

    தங்களை வணங்கும் பொருட்டு தங்கள் கிரீடங்களிலுள்ள மந்தார மலர் மாலைகளால் தேவர்களும், அசுரர்களும் வருடும் தங்கள் திருவடித்தாமரைகளை பிறப்பிறப்பென்னும் சம்சாரக்கடலைக் கடக்க ஹேதுவாயும், பவானியால் பூஜிக்கப் பட்டதுமாகிய தங்கள் திருவடித்தாமரைகளைத் தியானம் செய்கிறேன்.

 ஜ்²க³ந்நாத² மந்நாத² கௌ²ரீஸநாத²

       ப்ரபந்நானுகம்பின் விபந்நார்த்திஹாரின் |

மஹ:ஸ்தோம மூர்த்தே ஸமஸ்தைகபந்தோ⁴

       நமஸ்தே நமஸ்தே புனஸ்தே நமோஸ்து ||                              7

    உலகங்களுக்கெல்லாம் தலைவனே, எனையாட்கொள்ளும் தலைவா, கௌரியுடன் கூடி விளங்குபவரே, தங்களைச் சரணென நாடியவரிடம் அருள்பாலிப்பவரே இன்னல்களையெல்லாம் நீக்குபவரே; புகழ்களுக்கெல்லாம் உறைவிடமானவரே, உலகிலுள்ளோர் யாவருக்கும் ஒரே சுற்றமாய் விளங்குபவரே, தங்களுக்கு'நமஸ்காரம் – மீண்டும் மீண்டும் நமஸ்காரம்.

 விரூபாக்ஷ விச்வேச விச்வாதி³ தே³வ

       த்ரயீமூல சம்போ⁴ சிவ த்ரயம்ப³கத்வம் |

ப்ரஸீத³ ஸ்மர த்ராஹி பச்யாவமுக்த்யை

       க்ஷமாம் ப்ராப்நுஹி த்ரயக்ஷமாம்ரக்ஷமோதா³த் ||                       8

       விருபாக்ஷ, விச்வேச, சகலதேவதைகளுக்கும் மேலானவரே, வேதங்களுக் கெல்லாம் மூலமானவரே சம்போ, சிவ, த்ரயம்பக ! எளியேன்பால் அருள் புரிக, ஏழையை நினைமின், என் - குற்றங்களை மன்னித்து மோக்ஷத்தையளிப்பீராக, முக்கண்ணே, அன்புடன் எனை ஆட்கொள்வீர்.

 மஹாதே³வ தே³வேச தே³வாதி³ தே³வ

       ஸ்மராரே புராரே யமாரே ஹரேதி |

ப்³ருவாண: ஸ்மரிஷ்யாமி ப⁴க்த்யா ப⁴வந்தம்

       ததோ மே த³யாசீல தே³வ ப்ரஸீத³ ||                                     9

       மஹா தேவ, தேவேச, தேவாதிதேவ, காமனை எரித்தவனே, திரிபுரங்களையும் எரித்தவனே, யமனை ஒடுக்கினவரே, ஹரா, என்று உன்னைப்போற்றி, பக்தியுடன் உம்மை ஸ்மரிப்பேன். ஆதலின் தயாளனான தாங்கள் என்பால் கருணை செய்தல் வேண்டும்.

 த்வத³ன்ய: சரண்ய: ப்ரபந்நஸ்ய நேதி

       ப்ரஸீத³ ஸ்மரந்நேவ ஹன்யாஸ்து தை³ன்யம் |

ந சேத்தே ப⁴வேத்³ப⁴க்த வாத்ஸல்ய ஹானி -

       ஸ்ததோ மே தயாலோ ஸதா³ ஸந்நிதே⁴ஹி II                          10

     தங்களை சரணடைந்தவர்களுக்கு வேறு துணை யென்பதில்லாததால், இடுக் கண்களில் அல்லல்படும் என்பால் அருள்பாலிப்பீராக. அங்ஙானம் அருள் செய்யாவிடில், மெய்யன்பர்களின் பால் வாத்ஸல்யம் உடையவரெனும் தங்கள் புகழ் எங்ஙனம் ஓங்கும்? ஆதலின், அருட்பெருங்கடலே என்பால் தயை செய்வீராக.

.அயம்தா³ன காலஸ் த்வஹம் தா³னபாத்ரம்

       ப⁴வானேவ தா³தா த்வத³ன்யம் ந யாசே: |

ப⁴வத்³ப⁴க்திமேவ ஸ்தி²ராம் தே³ஹி மஹ்யம்

       க்ருபாசீல சம்போ⁴ க்ருதார்தோ²ஸ்மி தஸ்மாத் ||                        11

    இதுவே அருளெனும் கொடையை வழங்க தகுந்த தருணம். அடியேனே அக்கொடையை ஏற்கத் தகுதிபெற்றவன். கொடைவள்ளலும் தாங்களே. தங்களை யன்றி வேறெவரிடமும் அருளை யாசியேன். தங்கள் பால் ஸ்திரமான பக்தியை எனக்கு அருள்வீராக. அருளாளா, சம்போ, தங்கள் பக்தியால்தான் க்ருதார்த்தனாவேன்.

.பசும் வேத்ஸி சேந்மாம் தமேவாதி⁴ரூட⁴:

       கலங்கீதி வா மூர்த்4னி த³த்ஸே தமேவ |

த³விஜி³ஹ்வ: புன ஸோSபி தே கண்ட² பூ⁴ஷா

       தவத³ங்கீ³க்ருதா: சர்வேSபி த⁴ன்யா: ||                                    12

      என்னைத் தாங்கள் பசு என்று கருதினால், என்னைத் தங்கள் வாகனமாய் ஏற்றுக் கொள்ளுங்கள். களங்கங்களுடன் கூடியவனாக என்னைக் கருதுவீரானால், என்னைத் தங்கள் சிரசில் அணிந்து கொள்ளுங்கள். நாவிரண்டு படைத்தவனாக என்னைக் கருதுவீரானால், தங்கள் கழுத்துக்கு என்னை அணிகலனாக ஏற்றுக் கொள்ளுங்கள். ஹே சர்வ! தங்களால் ஏற்கப்பட்டவர்களெல்லாம் எத்தனை குறைபாடுள்ளவர்களாயினும், மேன்மை பெற்றவரே.

 ந சக்றோமி கர்தும் பரத்³ரோஹலேசம்

       கத²ம் ப்ரீயஸே த்வம் ந ஜா³னே கி³ரீச |

ததா²ஹி ப்ரஸந்நோSஸி கஸ்யாபி காந்தா -

       ஸுதத்³ரோஹிணோ வா பித்ருத்³ரோஹிணோ வா ||                   13

   பிறருக்குத் துரோகமென்பதை லவலேசமும் செய்யவல்லேன் அல்லேன். அங்ஙனமிருக்க என்பால் அன்பு கொள்ளாததேன்? மனைவிக்கும், மகவுக்கும், தந்தைக்கும் துரோகம் செய்தவர்களிடமும் தாங்கள் அன்பு செலுத்தவில்லையா?

 ஸ்துதிம் த்⁴யானமர்சாம் யதா²வத்³ வித⁴ரதும்

       ப⁴ஜ³ந்தப்ய ஜா³னன் மஹேசாவலம்பே³ |

தரஸந்தம் ஸுதம் த்ராதுமக்³ரே ம்ருகண்டோ³ர்

       யமப்ராண நிர்வாணம் த்வத் பதா³ப்³ஜம் ||                               14

   தங்களை புகழ்வதற்கும், தியானிப்பதற்கும், முறைப்படி அர்ச்சிப்பதற்கும் இயலாதவனாய் தங்களையே சரண்புகுந்தேன். மகேச, மிருகண்டு முனிவரின் புதல்வனான மார்க்கண்டேயனுக்கு பயத்தையுண்டாக்கிய யமன் உயிரையும் சிதற அடித்ததல்லவா தங்கள் திருவடித்தாமரை.

 சிரோத்³ருஷ்டி ஹ்ருத்³ரோக³ சூலப்ரமேஹ -

       ஜ்³வரார்சோ ஐ²ராயக்ஷ்ம ஹிக்கா விஷார்தான் |

தவமாத்³யோ பி⁴ஷக்³பே⁴ஷஜ³ம் ப⁴ஸ்ம சம்போ⁴

       தவமுல்லாக⁴யா ஸ்மான் வபுர் லாக⁴வாய ||                            15

      சிரசு, கண்கள், இருதயம் முதலியவற்றின் நோய்களையும், மலமூத்ராசயங்களின் நோய்களையும், ஜ்வரம், மூப்பு, காசம், விக்கல் முதலிய வியாதிகள் தீர்க்க மருத்துவர் தாங்களொருவரே. மருந்தும் தாங்கன் அணியும் திருநீறே. எங்கள் சரீரங்கள் பிணியற்று லாகவத்துடனிருக்குமாறு தாங்கள் எங்களை பிணிகளி னின்றும் காப்பாற்றுவீராக.

த³ரித்³ ரோsஸ்யப⁴த்⁵ ரோsஸ்மி ப⁴க்³னோsஸ்மி தூ³யே

       விஷண்ணோsஸ்மி ஸந்நோsஸ்மி கி²ந்நோsஸ்மி சாஹம் |

ப⁴வான் ப்ராணினா மந்தராத்மாஸி சம்போ⁴

       மமார்தி₄ம் ந வேத்ஸி ப்ரபோ⁴ ரக்ஷ மாம் த்வம் ||                      16

      நான் தரித்திரன், க்ஷேமத்தையிழந்தவன், மனமுடைந்தவன், சோகத்தால் வாடியவன், நொடித்தேன், துடித்தேன். தாங்கள் சர்வ பிராணிகளிடத்திலும் அந்தர்யாமியாக விளங்குபவர். என் மனத்துயரை நீர் நன்கறிவீர். ஆதலின் என்னை ரக்ஷிப்பீராக.

 த்வத³ க்ஷணோ: கடாக்ஷ: பதேத் த்ரயக்ஷ யத்ர

       க்ஷணம் க்ஷமா ச லக்ஷ்மீ: ஸ்வயம் தம் வருணாதே |

கிரீடஸ்பு²ரச் சாமரச் ச²த்ர மாலா -

       கலாசீ க³ஜ³க்ஷெளம பூ⁴ஷாவிசேஷை: ||                                 17

    முக்கண்ணனே, எவனிடம் தங்கள் கடைக்கண்பார்வை பதிந்திடுமோ, அவனை அந்த க்ஷணமே பூதேவியும், ஸ்ரீதேவியும் நாடிவருவார்கள். கிரீடமும், ஒளிமிக்க சாமரங்களும், குடையும், மாலைகளும், யானைகள், பட்டாடைகள், ஆபரணங்கள் இவைகளுடன் லக்ஷ்மீதேவி அவனை வந்தடைவாள்.

 ப⁴வான்யை ப⁴வாயாபி மாத்ரே ச புத்ரே

       ம்ருடா³ன்யை ம்ருடா³யாப் யக⁴ க⁴ன்யை மக²க்⁴நோ |

சிவாங்க்³யை சிவாங்கா³ய குர்ம: சிவாயை

       சிவாயாம்பி³காயை நமஸ்த்ரயம்ப³காய ||                               18

     ஜகன்மாதாவாகிய பவானிக்கும், ம்ருடானிக்கும் பாபங்களை போக்கடிப்பவளுக்கும், சிவனுடைய உடலில் பாதியிடம் பெற்றவளுக்கும், சிவசக்தியாய் விளங்கும் அம்பிகைக்கும், ஜகத்பிதாவான பவனுக்கும், ம்ருடனுக்கும், தக்ஷன வேள்வியை அழித்தவர்க்கும், பராசக்தியை பாதி உடலில் தரித்தவருக்கும், த்ரயம்பகருக்கும் வணக்கம்.

 ப⁴வத்³ கெள³ரவம் மல்லகு⁴த்வம் விதி³த்வா

       ப்ரபோ⁴ ரக்ஷ காருண்ய த்³ருஷ்ட்யானுகம் மாம் |

சிவாத்மானுபா⁴வஸ்துதாவக்ஷமோsஹம்

       ஸவசக்த்யா க்ருதம் மேsலபராத⁴ம் க்ஷமஸ்வ ||                        19

  தங்கள் மஹிமையையும், என் எளிமையையும் கருதி, கருணாகடாக்ஷத்தினால் தங்களை நாடிய என்னை ஆட்கொள்ளுவீராக. என் குற்றங்களனைத்தையும் பொருத்தருள்வீராக.

 யதா³ கர்ணரந்த்⁴ரம் ப்ரஜே³த் காலவாஹ -

       த்³விஷத்கண்ட² க⁴ண்டா க⁴ணாத்காரநாத: |

வ்ருஷாதீ⁴ சமாருஹ்ய தை³வோபவாஹ்யம்

       ததா³ வத்ஸ மா பீ⁴ரிதி ப்ரீணய த்வம் ||                                 20

       யமன் ஏறிவரும் பரியின் கழுத்தில் ஒலிக்கும் பயங்கரமான மணியின் ஒலி என் செவியில் கேட்கும் போது தாங்கள் ரிடப வாகனத்திலமர்ந்து வந்து என்னை நோக்கி, குழந்தாய்! அஞ்சேலென அன்புடன் அருள்புரிவீராக.

 யதா³ தா³ருணா பா⁴ஷணா பீ⁴ஷணா மே

       ப⁴விஷ்யந்த் யுபாந்தே க்ருதாந்தஸ்ய தூ³தா: |

ததா³ மன்மனஸ் த்வத் பதா³ம்போ⁴ருஹஸ்த²ம்

       கத²ம் நிஸ்சலம் ஸ்யாந் நமஸ்தேsஸ்து சம்போ⁴ ||                     21

       யம தூதர்கள் பயங்கரமான சப்தங்களுடன் என்னையணுகும்போது, தங்கள் திருவடித்தாமரையில் நன்கு பதிந்திருக்கும் என் மனம் எங்ஙனம் கலங்காமல் இருக்கும். (அதனால் இப்பொழுதிலிருந்தே தங்களை வணங்கி என் மனத்தை உங்கள் பாதகமலங்களில் லயிக்கச் செய்கிறேன். அதனால் யம தூதர்கள் வரும் நேரத்தில் எனக்கு யாதொரு துன்பமும் நேரிடாது.)

 யதா³ து³ர்நிர்வார வ்யதோ²ஹம் சயானோ

       லுட²ந்நிச்வஸந் நி: ஸ்ருதாவ்யக்தவாணி: |

ததா³ ஜ³ஹ்நுகன்யா ஜ³லாலங்க்ருதம் தே

       ஜ³டாமண்ட³லம் மந்மனோமந்த்³ரம் ஸ்யாத் ||                           22

     குணப்படுத்த இயலாது நோய்வாய்ப்பட்டு, மரணப் படுக்கையில் புரண்டு, மேல்மூச்சுடன் கூடி பேசவும் முடியாமல் அல்லல்படும்போது, கங்கையுடன் மிளிரும் தங்கள் ஐடாமண்டலம் என் இரு தயத்தில் கோயில் கொண்டிருக்குமாக.

 யதா³ புத்ரமித்ராத³ யோ ஸத் ஸகாசே

       ருத³ந்த்யஸ்ய ஹா கீத்³ருசீயம் தசேதி |

ததா³ தே³வதே³வேச கௌ³ரீச சம்போ⁴

       நமஸ்தே சிவாயேத் யஜ³ஸ்ரம் ப்³ருவாணி II                            23

       புத்ரர்களும், மித்ரர்களும் மரணதசையிலிருக்கும் என்ன ருகில், "அந்தோ, இதென்ன கஷ்டம்'' என்று கதறி ஓலமிடும் போது, தேவர்களுக்கெல்லாம் தலைவரான கௌரீச! ''சம்போ, சிவ'' என்று என் நாவில் தங்கள் திருநாமம் ஒலிக்குமாக.

 யதா³ பச்யதாம் மாமஸௌ வேத்தி நாஸ்மா -

       நயம் ச்வாஸ ஏவேதி வாசோ ப⁴வேயு: |

ததா³ பூதி பூ³ஷம் பு'ஜுங்கா வநத்தம்

       புராரே ப⁴வந்தம் ஸ்புடம் பா⁴வயேயம் ||                                 24

       மரணகாலக்தில் என்னைச் சூழ்ந்து கொண்டு என்னைப் பார்ப்பவர்கள் "இவன் நம்மைத் தெரிந்து கொள்ளவில்லை. இதோ, அந்திய ச்வாசம்” என்று கூறும் அத்தருணத்தில் திருநீறு பூசி, அரவுமாலையணிந்து துலங்கும் தங்கள் திருமேனியை ஸ்மரிக்கவேண்டும்.

 யதா³ யாதனாதே³ஹ ஸந்தே³ஹ வாஹீ

       ப⁴வேதா³த்ம தே²ஹே நமோஹோ மஹான்மே |

ததா³ காசசீதாம்சு ஸம்காசமீச

       ஸ்மராரே வபுஸ்தே நமஸ்தே ஸ்மராணி ||                             25

       இவ்வுடலை விட்டுப்பிரிந்து, யாதனா சரீரத்தை அடைந்து நிற்கும் நிலையில் நிலவொளிபோல் பிரகாசிக்கும் தங்கள் திருவுருவை நான் ஸ்மரிக்கவேண்டும்.

 யதா³ பாரமச்சா²யமஸ்தா²நமத்³பி⁴ர் -

       ஜுனைர்வா விஹீனம் க³மிஷ்யாமி மார்க³ம் |

ததா³ தம் நிருந்த⁴ன் க்ருதாந்தஸ்ய மார்க³ம்

       மஹாதே³வ மஹ்யம் மனோக்³ஞம் ப்ரயச்ச² ||                          26

      கடக்க இயலாததும், வழியெங்கும் நிழலற்றதும், தங்கி இளைப்பாற இடங்களற்றதும், தணணீரற்றதும், நிர்மானுஷ்யமுமான மார்க்கத்தில் யமலோகம் செல்வேனோ அப்போது, தாங்கள் யமலோக மார்க்கத்தில் என்னை வழிமறித்து, எனக்கு இன்பத்தையருளுவீராக.

 யதா³ ரௌரவாதி³ ஸ்மரன்னேவ பீ⁴த்யா

       வ்ரஜாம்யத்ர மோஹம் மஹாதே³வ கோ⁴ரம் |

ததா³ மாமஹோ நாத² கஸ்தாரயிஷ்யத் -

       யநாத²ம் பராதீ⁴னமர்தே⁴ந்து³ மௌலே ||                                 27

       ரௌரவாதி நரகங்களை நினைத்த மாத்திரத்தில் நினைக்க வொணா பயத்தை யடைந்து நான் துயரப்படும்போது, ஹே, மஹா தேவ, என்னை யார் காப்பாற்றுவர் யமன் கைவசப்பட்ட அனாதையான எனக்குத் துணை யார்? பிறைசூடிப் பெருமானே!

 யதா³sச்வேதபத்ராயதாலங்க்⁴ய சக்தே:

       க்ருதாந்தாத்² ப⁴யம் ப⁴க்தவாத்ஸல்ய பா⁴வாத் |

ததா² பாஹிமாம் பார்வதீ வல்லபா⁴ன்யம்

       ந பச்யாமி பாதாரமேதாத்³ருசம் மே II                                   28

      ஏக சக்ராதிபதியும், மீறமுடியாத சக்திவாய்ந்தவருமான யமதர்மராஜாவின் ஆணைக்கு பயந்து நான் நடுங்கி நிற்கும்போது, ஹே, பார்வதீவல்லப, தாங்கள் என்னைக் காப்பாற்றுவீராக. தங்களையன்றி வேறு ரக்ஷகனை நான் கண்டறியேன்.

 இதா³னீமிதா³னீம் ம்ருதிர்மே ப⁴வித்ரீ -

       த்யஹோ ஸந்ததம் சிந்தயா பீடி³தோsஸ்மி |

கத²ம் நாம மாபூ⁴ந்ம்ருதெள பீ⁴திரேஷா

       நமஸ்தே க³தீனாம் க³தே நீலகண்ட² ||                                   29

       இத்தருணத்திலோ, எத்தருணத்திலோ, மரணம் நேரிடக்கூடுமெனக் கவலையினால் எக்காலும் கலவரமடைந்து நிற்கும் நான் எப்போது மரண பயமில்லாதிருப்பேன்? ஹே! நீலகண்ட! தங்களையன்றி வேறு கதிகாணாத நான் தங்களை தஞ்சமாய் நமஸ்கரிக்கின்றேன்.

 அமர்யாத³ மேவாஹ மாபா³லவ்ருத்³த⁴ம்

       ஹரந்தம் க்ருதாந்தம் ஸமீக்ஷ்யாமி பீ⁴த: |

ம்ருதெள தாவகாங்க்⁴ர்ப்³ஜ திவ்ய ப்ரஸாதா³த்

       ப⁴வானீபதே நிர்ப⁴யோsஹம் ப⁴வானி ||                                  30

       பாலன், வ்ருத்தன் எனும் பாகுபாடின்றி ஆயுளை அபகரிக்கும் யமன் வருகையை நான் எதிர்நோக்கி பயந்து நிற்கிறேன், ஆதலின், பவானீபதியான தங்கள் திருவடித்தாமரைகளை மரணத் தருவாயில் நான் நினைத்து பயமற்றவனாக இருப்பேனாக.

 ஜராஜன்ம கர்பா⁴தி வாஸாதி³து³: கா²ன்

       அஸஹ்யானி ஜஹ்யாம் ஜக³ந்நாத² தே²வ |

ப⁴வந்தம் விநா மே க³திர்நைவ சம்போ⁴

       தயாலோ ந ஜாக³ர்தி கிம் வாத³யா தே ||                                31

       மூப்பு, மறுபிறப்பு, கர்ப்பவாஸம் முதலிய சொல்லொணாத் துயரங்களி லிருந்தும் நான் விடுபட வேண்டும். தங்களையல்லால் வேறு கதிகாணேன் கருணைக் கடலே! தங்கள் அருள் விழித்தெழாததேன்?

 சிவாயேதி சப்³தோ³ நம: பூர்வ ஏஷ

       ஸ்மரன் முக்திக்ருன் ம்ருத்யுஹா தத்வவாசீ |

மஹேசான மா கா³ன் மனஸ்தோ வசஸ்த:

       ஸதா³ மஹ்யமேதத் ப்ரதா³னம் ப்ரயச்ச² ||                               32

       'நமச்சிவாய' என்னும் சப்தம், நினைத்த மாத்திரத்தில் மிருத்யுவை ஒழித்து முக்தியை அளிக்கவல்லது. உயர்ந்ததான தத்துவத்தையும் புகட்டவல்லது, ஆதலின்

'நமச்சிவாய' எனும் தங்கள் நாமம் என் மனதினின்றும் வாக்கிலிருந்தும் என்றும் அகலாதிருக்க வரமருளவேண்டும்,

 த்வமப்யம்ப³ மாம் பச்ய சீதாம்சுமௌலி -

       ப்ரியே பே⁴ஷஜம் த்வம் ப⁴வவ்யாதி⁴ சாந்தெள |

ப³ஹுக்லேச பா⁴ஜம் பதா³ம்போ⁴ஜபோதே

       ப⁴வாப்³ தௌ நிமக்³னம் நயஸ்வாத்³ய பாரம் ||                         33

       பிறைசூடிப் பெருமானின் பேரணங்கே; தாயே! எனைக் கடைக்கண் பாராய்! இப்பிறப்புப் பிணி நீங்க உனையன்றி மருந்தேது? இன்னல்கள் நிறைந்த இப்பிறவிக்கடலில் மூழ்கித் தவிக்கும் என்னை உன் திருவடிகளெனும் ஓடம் கொண்டு கரைமீட்பாய்.

 அநுத்³ யல்லலாடாக்ஷி வஹ்னிப்ரரோஹை -

       ரவாம ஸ்புரச்சாரு வாமோருசோபை⁴: |

அநங்க³ ப்4ரமத்³ போ⁴கி³ பூ⁴ஷாவிசேஷை -

       ரசந்த்ரார்த⁴ சூடை³ரலம் தை³வதைர் ந: ||                                34

    அனலைக்கக்கும் நெற்றிக்கண்களில்லாதவரும், இடது பாகத்தில் தேவியைத் தரிக்காதவரும், பாம்புகள் நெளிந்து விளையாடுவதுமான தேகத்தை இல்லாதவரும் முடியில் பிறைச்சந்திரனை தரித்திராதவருமான இதர தேவதைகளால் எமக்குப் பயனென்ன?

 அகண்டே² கலங்காத³ நங்கே³ பு⁴ஜங்கா³ -

       தபாணௌ கபாலாத³பா²லே ந லாக்ஷாத் |

அமௌலௌ சசாங்காதவாமே கலத்ரா -

       த¹ஹம் தே³வமன்யம் ந மன்யே ந மன்யே ||                            35

 

      விடமுண்டதனால் கருத்திருக்கும் கழுத்தையுடையவரும், உடலில் சர்ப்பங்களான அணிகளை தரித்தவரும், கையில் கபாலத்தையேந்தியவரும், அக்னியாய் நெற்றிக்கண்ணை உடையவரும், முடியில் பிறை தரித்தவரும், இடப் பாகத்தில் உமையுடன் கூடியவருமல்லாது மற்றொரு தெய்வத்தை நான் நினைக்கவும் மாட்டேன்,

 

மஹாதே³வ சம்போ⁴ கி³ரீச த்ரிசூலிம் -

       ஸ்தவதீ³யம் ஸமஸ்தம் விபா⁴தீதி யஸ்மாத் |

சிவாத³ன்யதா² தை³வதம் நாபி4ஜானே

       சிவோSஹம் சிவோSஹம் சிவோSஹம் சிவோSஹம் ||                36

       மஹாதேவ, சம்போ, கிரீசா, திரிசூலத்தை உடையவனே, இந்த ப்ரபஞ்சம் யாவும் தங்களிடமே தோன்றுவதனால், சிவனான தங்களைக் காட்டிலும் வேறு தெய்வத்தை யானறியேன். நான் சிவன், நான் சிவன், நான் சிவன், நான் சிவமென மன உறுதி பெற்றேன்.

 யதோSரஜாயதேத³ம் ப்ரபஞ்சம் விசித்ரம்

       ஸ்தி²திம் யாதி யஸ்மின்ய தே³வாந்தமந்தே |

ஸ கர்மாதி3ஹீன: ஸ்வயம் ஜயோதிராத்மா

       சிவோSஹம் சிவோSஹம் சிவோSஹம் சிவோSஹம் ||                37

      எவரிடமிருந்து இந்த விசித்ரமான ப்ரபஞ்சம் உண்டாயிற்றோ, எவரிடம் நிலைபெற்றுள்ளதோ, எவரிடமே பிரளய காலத்தில் இது ஒடுங்குகின்றதோ, எவருக்கு கருமமென்பது லேசமும் கிடையாதோ, எவர் ஸ்வயம் ஜ்யோதியான ஆத்மாவாக விளங்குகிறாரோ, அத்தகைய சிவனே நானாவேன். நான் சிவன், நான் சிவன், நான் சிவன், நான் சிவன்.

 கிரீடே நிசேசோ லலாடே ஹுதாசோ

       பு4ஜே போ4கிராஜோ க3லே காலிமாசா |

தநௌ காமினி யஸ்ய தத்துல்யதே'வம்

       ந ஜானே ந ஜானே ந ஜானே ||                                          38

       முடியில் பிறைச்சந்திரனும், நெற்றியில் அனலும், தோள்களில் பாம்பும், கழுத்தில் கரு நிறமும், சரீரத்தில் இடதுபுறம் மங்கையையும் உடைய சிவனுக்கு நிகரான தெய்வமெதையும் நான் அறியேன். நான் அறியேன், நான் அறியேன்.

 அனேன ஸ்தவேனாத³ராத³ம்பி³கேசம்

       பராம் ப⁴க்தி மாஸாத்⁴ய யம் யே நமந்தி |

ம்ருதெள நிர்பயாஸ்தே ஜநாஸ்தம்ப ஜந்தே

       ஹ்ருதம்போஜமத்யே ஸதாஸீனமீசம் ||                                 39

       எவர்கள் மிகுந்த பக்தி உணர்ச்சியுடன் பொருள் தெரிந்து இந்த ஸ்தோத்திரத்தைப் படித்து அம்பிகையின் பதியான பரமேச்வரனை வணங்குகிறார்களோ  அவர்களுக்கு மரண பயம் உண்டாகாது. எவர்கள் தங்கள் இருதய கமலத்தில் ஜோதி வடிவமாக விளங்கும் அப்பரமசிவனை வீற்றிருக்கச் செய்து அவரைப் போற்றுகின்றனரோ அவர்கள் சிவ ஸாயுஜ்யம் அடைவார்கள்.

 பு⁴ஜங்க³ ப்ரியா கல்ப சம்போ⁴ மயைவம்

       பு⁴ஜங்க³ப்ரயாதேன வ்ருத்தேன கல்ருப்தம் |

நர: ஸ்தோத்ரமேதத் படி3த்வோரு ப4க்த்யா

       ஸுபுத்ராயுராரோக்3ய மைச்வர்ய மேதி ||                                40

       சம்போ, புஜங்க விருத்தத்திலமைக்கப்பட்ட இந்த ஸ்தோத்திரத்தை எவனொருவன் படிக்கின்றானோ, அவன் புத்திரன் நீண்ட ஆயுள், ஆரோக்யம், ஐச்வர்யம் முதலியவைகளை அடைவானென்பது திண்ணம்.