குருபாதுகா பஞ்சகம்

       (ஶ்ரீ ஜகத்குரு ஆதிசங்கராசார்யர் அவர்கள் நர்மதா நதிக்கரையில் தம்முடைய குருவான ஶ்ரீ கோவிந்த பகவத்பாதரைத் தரிசித்த பொழுது அந்த ஆச்ரமத்தின் வாயிலில் குருவின் திவ்ய பாதுகைகளைக் கண்டவுடன் இந்த ச்லோகங்கள் ஶ்ரீ பகவத்பாதரின் வாக்கிலிருந்து உதித்தன.)

 ஜக³ஜ்ஜநிஸ்தே²ம – லயாலயாப்⁴யாம்

       அக³ண்ய – புண்யோத³ய – பா⁴விதாப்⁴யாம் |

த்ரயீசிரோஜாத – நிவே³திதாப்⁴யாம்

       நமோ நம: ஸ்ரீகு³ருபாது³காப்⁴யாம் ||                                      1

       ஸகல உலகங்களின் உற்பத்தி, ஸ்திதி, லயம் இவற்றுக்குக் காரணங்க ளாயும், எல்லையில்லாமல் இருக்கிற புண்ணிய பரிபாகத்தின் மகிமையினால் அடையக்கூடியனவாயும், வேதங்களின் சிரோபூதமான உபநிஷத்துக்களால் மட்டும் அறியக்கூடியனவுமான சத்சார்யருடைய பாதுகைகளுக்கு நமஸ்காரம், நமஸ்காரம்.

விபத்தமஸ்தோம – விகர்த்தநாப்⁴யாம்

       விசிஷ்ட - ஸம்பத்தி – விவர்த⁴நாப்⁴யாம் |

நமஜ்ஜநாசேஷ – விசேஷதா³ப்⁴யாம்

       நமோ நம: ஸ்ரீகு³ருபாது³காப்⁴யாம் ||                                      2

       ஆபத்துக்களாகிற இருள் கூட்டங்களைப் போக்குவதில் சூரியனாகவும், உயர்ந்த ஐச்வர்யங்களை மேன்மேலும் விருத்திபண்ணிக் கொடுக்கக்கூடியனவாயும் வணங்குகிற ஜனங்களுக்கு, எல்லை இல்லாத ஸகல புருஷார்த்தங்களையும் கொடுக்கக்கூடியவையுமான ஸ்ரீ ஆச்சார்யாருடைய பாதுகைகளுக்கு நமஸ்காரம், நமஸ்காரம்.

ஸமஸ்த³ - துஸ்தர்க்க - கலங்க - பங்கா -

       பநோத³ந – ப்ரௌட⁴ – ஜலாசயாப்⁴யாம் |

நிராச்ரயாப்⁴யாம் நி²கி²லாச்ரயாப்⁴யாம்

       நமோ நம: ஸ்ரீகு³ருபாது³காப்⁴யாம் ||                                      3

       பலவாறான போலித் தர்க்கத்தினால் கற்பிக்கப்பட்ட தோஷங்களாகிற சேற்றைப் போக்கடிப்பதில் பெரிய ஜலப்பெருக்காயும், மற்றொன்றைத் தாம் ஆச்ரயிக்காமலும், மற்றவர்களாலே ஆச்ரயிக்கப்பெறுவனவாகவும் இருக்கிற ஸ்ரீ ஆச்சார்யாருடைய பாதுகைகளுக்கு நமஸ்காரம், நமஸ்காரம்.

 தாபத்ரயாதி³த்ய – கரார்தி³தாநாம்

       சா²யாமயீப்⁴யாம் அதிசீதலாப்⁴யாம் |

ஆபந்ந – ஸம்ரக்ஷண³ – தீக்ஷிதாப்⁴யாம்

       நமோ நம: ஸ்ரீகு³ருபாது³காப்⁴யாம் ||                                      4

                 ஆத்யாத்மிகம்: ஆதிதைவிகம், ஆதிபௌதிகம் என்று சொல்லக்கூடிய தாபத்ரயங்களாகிற கொடிய சூரிய கிரணங்களால் தகிக்கப்படுகிற ஸர்வ ஜீவராசி களுக்கும், மிகவும் குளிர்ந்த நிழலைக் கொடுப்பவையாயும், சரணமடைந்தவர்களை ஸம்ரக்ஷிப்பதையே முக்கிய நோக்கத்துடன் கூடியவையுமான ஸ்ரீ ஆச்சார்யா ருடைய பாதுகைகளுக்கு நமஸ்காரம், நமஸ்காரம்.

யதோ கி³ரோ(அ)ப்ராப்ய தி⁴யா ஸமஸ்தா

       ஹ்ரியா நிவ்ருத்தா: ஸமமேவ நித்யா: |

தாப்⁴யாமஜே³சாச்யுத – பா⁴விதாப்⁴யாம்

       நமோ நம: ஸ்ரீகு³ருபாது³காப்⁴யாம் ||                                      5

                 ஸகல வேதராசிகளும், தம்முடைய புத்தி, யுக்திகளோடு கூடி, எவற்றின் மகிமையை வர்ணிக்க ஆரம்பித்தும் இயலாமல், லஜ்ஜையோடு திரும்பு கின்றனவோ, பிரம்மா, விஷ்ணு, ருத்திரர்களால் எப்பொழுதும் கொண்டாடப பெற்றவையுமான ஸ்ரீ ஆச்சார்ய பாதுகைகளுக்கு நமஸ்காரம், நமஸ்காரம்.

யே பாது³கா – பஞ்சகமாத³ரேண

       பட²ந்தி நித்யம் ப்ரயதா: ப்ரபா⁴தே |

தேஷாம் க்³ருஹே நித்யநிவாஸசீலா

       ஸ்ரீதே³சிகேந்த்³ரஸ்ய கடாக்ஷலக்ஷ்மீ: ||                                  6

       எந்தப் பக்தர்கள் இந்தப் பாதுகா பஞ்சகத்தைத் ஆதராதிசயத்துடனும் பரிசுத்தர்களாயும் பிரதிதினம் காலையில் பாராயணம் செய்கிறார்களோ, அவர்க ளுடைய வீட்டில் ஸ்ரீ பரமாசார்யர்களுடைய கருணாவிலாசம் என்ற லக்ஷமீ நித்ய வாஸம் செய்கிறாள்.